28 pertsonak eman zuten izena Zumardia eta Bidaiarien Txokotik Serbian errefuxiatuei laguntzeko eginiko boluntarioen eskaerari. Bada, hiru emakume eta bi gizonezkoz osaturiko taldea osatu dute eta lehendabiziko bidaian parte hartu zuen Mauro Marotias tolosarrak lagunduta, gaur jarri dira Belgradorako bidean.
Hamar eguneko egonaldian, Tolosan bildutako arroparen banaketarekin amaitu asmo dute, eta horrekin batera, sukaldean lagunduko dute, bai otorduak prestatzen, bai eta horien banaketan ere, eta errefuxiatuen aisialdira bideratutako hainbat ekimenetan parte hartuko dute. Mauro Marotiasek azaldu duenez, ilusioz beteta doaz boluntarioak elkartasun bidaia honetan parte hartzera.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!