Areto futboleko Gipuzkoako GAEL elkarteak Gabonetako Bigarren Torneoa antolatu du eta urtarrilaren 7an jokatuko da Beteluko pilotalekuan, 10:00etan hasita. GAEL eskualdeko herri txikietako jokalariek osatzen dute, besteak beste. Iaz bi mailatan antolatu zen txapelketa, biak ere infantil mailakoak, baina aurten bost maila ezberdinetan antolatu dute. Horrela, kadete mailako bi torneo izango dira, beste bi infantiletakoak, eta bat alebinetakoa.
Iaz Euskal Herritik kanpoko taldea Lardedo izan zen, eta aurten berriz, Rioja Team eta Andorrako selekzioa iango dira. Horiei, Xota bezalako talde handi bat ere gehitu behar zaie. Horiez gain, eta GAELekin batera, Anoeta, Alipendi eta Aurrera Leitza izango dira, denak ere aila handikoak.
GAELek eta AMF erakundeak kudeatzen duen lehiaketetan parte hartzen duten arren, torneo hau FIFA erakundearen arautegiarekin jokatuko da, gainerako taldeak erakunde horrek kudeatzen dituen lehiaketetan hartzen baitute parte.