Bost urteko hitzarmena jasan du Tolosaldeak osasun arretari dagokionez, "kalitatea gainbehera zihoan bitartean". Egoera errepikatzera doala salatu dute EH Bildutik: "Egoera hau errepikaezina da eta Jaurlaritzak lehengo lepotik du burua. Susmorik txarrenak piztu dizkigu erabaki honek".
Egoera honen aurrean, koalizioak bere eskaera berritzeko aukera aprobetxatu nahi izan du: "Osasun sailari eskualdeko eragileen mahai bat osatzeko eskaera egin nahi diogu. Denon iritzia kontuan hartuta, lortuko baitugu gure eskualdeko herritarrontzat osasun arretarik onena".
