Gaur bertsoa hartu dugu protagonista. Arratsaldean, bertsolaritza ikergai izango da Villabonako Subijana etxean. Mintzolak, Mikel Laboa Katedrak eta EHUko Euskara eta Ikerkuntza errektoreordetzak banatzen dituzten ikerketa proiektuen inguruko azalpenak emango dituzte ikerlariek 18:00etatik aurrera. Aurten banatu diren ikerketa proiektuetako bat, Oihana Iguaranek eskuratu du. Bertsoaren Agenda aztertuko du hurrengo urteetan. Karlos Aizpurua Mintzolako arduradunarekin egin dugu hitzordua gaurko saioan eta Oihana Iguaranek ere bere ikerketaz hitz egin digu.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!