Atzo transfeminismoaren inguruko hitzaldia eskaini zuen Medeak taldeak. 19:00etan maitasun erromantikoa izan zuen hizpide Irantzu Varelak: "Desprincesamiento, desmontando el amor romántico" hitzaldia eskaini zuen.
Gaur goizeko 11:00etan hasi dute eguna, "Burujabetza feministarantz" hitzaldia eskaini dute Bilgune Feministako kideek. 12:00etan, De Berta a Teo dokumentala proiektatu eta solasaldia egin dute gero Tolosako kultur etxean.
Elkarrekin bazkaldu ondoren, postpornoaren inguruko hitzaldia izango da, 16:30ean. 18:30ak aldera, eskualdeko emakume taldeen arteko asanblada egingo dute, "elkar ezagutzeko eta emakume taldeen arteko sareak josteko".
Eguna bukatzeko, festa egingo dute Anoetako Gaztetxean; DJ Potota ariko da musika jartzen.