Gipuzkoako Foru Aldundiak jakinarazi duenez, errepidea konpontzeko lanak egiteko moztuko dute errepidea, Gasteizko noranzkoan.
Tolosara sartu ahal izateko, ibilgailuek gainerako bi sarbideetako bat erabili beharko dute eta Ibarratik N-1 errepidera ateratzeko beste bideak topatu beharko dituzte.
A15 autobidean lanak
Bihar, igandea, Berastegi inguruan, a-15 autobidea konpontzeko lanei ekingo diete. Zehazkiago esateko, Iruñeako noranzkoan, 144 eta 141,5 kilometro artean egingo dituzte obrak.
Asteazkena, goizeko 06:00ak arte iraungo dute lanek, beraz, Berastegira joateko irteera moztuta egongo da. Gidariek, Leitzako irteera arte jarraitu eta handik, atzera, Berastegiko bide zaharra hartu beharko dute.