Aurten munduko txapelketa ez da jokatuko, eta bere lekuan, Lloreterako gonbidapena jaso dute.
Txapelketa horrekin emango diote denboraldiari hasiera Gael-ekoek, izan ere, ondoren hasiko dira liga jokatzen. Aurten benjaminak, alebinak, infantilak eta kadeteak izango dira. Izena emateko aukera oraindik zabalik dagoela esan dute, eta horretarako deialdia luzatu dute. Seniorren taldea izatea ere gustatuko litzaieke. «Aurten Betelu sartu da, hau da, talde nafar bat. Helburua bide horretatik joatea da, eta Euskal Herri guztian zabaltzea. Herri txikiek hor badaukagu aukera bat, baita gero kanpora txapelketak jokatzera joatekoa ere, Euskal Herria ordezkatuz».
Azkenik, abenduko txapelketaren antolaketarekin jarraitzen dutela esan dute elkarteko arduradunek. Iaz Lizartzan izan zen txapelketa, eta aurten Saharako taldea ekartzea dute helburu.