Urria hastearekin batera, ikasturte berria abiatu dute eskualdeko hainbat herritan. Euskara klaseak emateko taldeak osatu dira batean eta bestean.
Euskara zerbitzuetatik jakinarazi dutenez, oraindik izana eman daiteke. Iruran, esate baterako, B1 maila lortzeko taldean lekua dago eta Zizurkilen eta Villabonan ere maila desberdinetako taldeak jarri dituzte martxan.
Interesa dutenek lehenbailehen jarri beharko dute harremanetan tokian tokiko euskara zerbitzuarekin, edota zuzenean, Andoaingo AEK euskaltegiarekin. Andoaingo Extremadura kalean dago kokatuta euskaltegia eta 943 59 17 04 telefonoan izango da informazio guztia, baita andoain@aek.eus helbidean ere.