Abuztuaren 31a bitartean egingo dute 2 hilabeteko egonaldia haur hauek, eta Tolosaldea Sahararekin elkarteak, Tolosako Udalaren eta Tolosaldeko beste udalen laguntzarekin batera, harrera familiekin eta Gipuzkoako Saharar elkartearen laguntzarekin antolatu diete Agur Festa.
Ostiraleko festa antolatzeko Zerkausia aukeratu dute, eta 17:00etan emango zaio hasiera jaiari. Haur sahararrek eta gerturatzen diren haurrek, jolasak eta puzgarriak izango dituzte. Era berean, iaz bezala, mural bat jarriko dute bakoitzak nahi duen ekarpena egin dezan bertan.
19:00etan, ekitaldi politikoa egingo dute, eta jarraian, manifa-kalejira izango da. 20:30ean afari herrikoira joateko deia luzatu dute. Bakoitzak bere janaria eta edaria eraman beharko ditu. 22:30ean, berriz, Plaza Zaharrean, Gau Girorekin bat eginez, Iker Lauroba & Itsasargiak izango da. Eta Hotsneba, Saharari kanta 2016 lehiaketako talde irabazlea eta Tiris ere ariko dira taula gainean.