San Joan Eguneko ekitaldiak Tolosako Zerkausitik kontatu ditugu, eguneko protagonistekin. Gurean izan ditugu bordondantzariak, eskopetarien taldeetako aurtengo kapitain nagusi Amaia Manzisidor, Tolosako Musika Bandako zuzendari Enrike Arostegi eta bandako kide Iñigo Alustiza, Olatz Peon Tolosako alkatea eta Nuria Carbonell kultur zinegotzia, eta eurekin batera goizak Tolosan eman duena kontatu dugu. Horrekin batera, Belauntzako eta Abaltzisketako sanjoanetara ere gerturatu gara, eta gure ohiko atalak ere izan ditugu, Anjel Mari Peñagarikano Kale kantoitik, azken ostirala, azoka eta Antton Telleriaren musika proposamena.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!
