Aste honetako Hamaiketakoan Mikel Egibar zizurkildarra izan dugu gurekin. "Nekane Askatu" plataformako kide da eta Suitzan izan berri da asteasuarra bisitatzen Zuricheko espetxean eta torturaren inguruko azalpenak ematen. Gaur Aritza kultur elkartean aurkeztuko duen Hotzikararen Kronikak: Tortura Amasa-Villabonan lanaren aurkezpen ekitaldian ere izango da. Asteasuko alkate Pili Legarrarekin ere izan gara eta 2016ko aurrekontu eta inbertsio nagusienen berri eman digu, trafikoan egingo dituzten aldaketak azaltzearekin batera. Gipuzkoako Sagardo Txapelketan hirugarren geratu den Aburuzako sagardotegiko seme eta Gipuzkoako Sagardogileen Elkarteko lehendakari Ibon Aburuzaren hitzak gogoratu ditugu aste honetako Hamaiketakoan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!