Segurtasun Sailak Tolosaldeko Ataria-ri jakinarazi dionez, 15:45ean gidari baten deia jaso du Trafiko zerbitzuak, Alegia parean, auto bat N-1 errepidetik kontrako noranzkoan zihoala ohartaraziz.
Irudietan ikus daitekeen moduan, auto gorri bat Donostiara bidean zihoan, Gasteizko noranzkoko errepidean. Ondorioz, hainbat autok saihestu egin behar izan dute. Iruran irten da N-1 autobidetik. Ez dakite, ordea, auto hori zein puntutatik sartu den N-1era.
Ertzaintzak 55 urteko emakumezko bat atxilotu du, segurtasunaren aurkako delitua egitea egotzita.
Ez da honelakorik gertatzen den lehen aldia. Abuztuaren 3an, emakumezko bat hil zen Amasa-Villabona parean, bere autoa kontrako noranzkoan zihoan kamioi baten kontra parez pare jo ostean.