Natura, hezkuntza eta kirola, bat eginik

Tolosaldeko Ataria 2016ko mai. 7a, 20:25

Zumardia elkarteak antolatu duen egitasmoaren lehen saioa osatu dute gaur, Tolosan. Natura ezagutzeko, natur inguruan kirola egiteko, eta hori modu jolasgarrian izatea da egitasmoaren helburua.

Hiru saio egingo dituzte guztira, nolabait proba moduan, Tolosaldeko hainbat ikastetxeetako 230 haur ingururen parte hartzearekin. Oria ibaian piraguan aritu dira, Zumardi Handian orientazioa egiten, eta Santa Maria plazan eta Oargi elkartean eskalada eta oreka landu dituzte. Antolatzaileek balantze "oso ona" egin dute lehen saioaren inguruan.

Zumardia elkartearen asmoa kirol horiek datorren urteko eskola kirola egitasmoan txertatzea da, eta baita aukera ematea saioak ere antolatzeko haur eta helduentzat eskola egutegitik kanpo.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!