18 urteak beteak izatea edo 2016an betetzea, euskara ondo menderatzea, azterketa teoriko eta praktikoa egitea eta curriculuma eta agiriak aurkeztea dira eskatzen diren baldintzak.
Hautaketa prozesuan honakoak baloratuko dira: denbora libreko begirale edo zuzendari titulua edukitzea; heziketarekin zerikusia duten ikasketa edo ikastaroak egin izana; esperientzia izatea antzeko lanetan; langabetu edo ikaslea izatea eta Aduna, Alkiza eta Larraulen erroldatuta egotea.
Apirilaren 29an bukatuko da izen emateko epea. Azterketa berriz, maiatzaren 6an egingo da Pedro Mari Otaño ikastetxean, Zizurkilen, arratsaldeko 19:30ean. Informazio gehiagorako 943 69 39 90 telefonora hots egin daiteke.