Martxoko bigarren asteburuan ekin zioten txapelketari Berastegi, Leaburu-Txarama eta Ibarrako pilota eskolek. Hiru pilota eskoletako 34 haurrek parte hartu dute txapelketa honetan, 22 benjaminak eta 12 kimuak. Larunbatean, lehenik 3. eta 4. postua erabakitzeko partidak jokatu ziren eta ondoren 1. eta 2. postuak erabakitzekoak.
Txapelketan parte hartu duten herrietako alkateak izan ziren amaieran egin zen sari banaketan, lehen 4 pilotariek eskuratu zituzten trofeoak, baina parte hartutako pilotari guztiek eskuratu zuten domina. Amaieran, txorixo pintxo banarekin amaiera eman zioten lehen aldiz jokatu den txapelketari.
Jarraian, larunbatean jokatutako partidak, eta amaierako sailkapena:
1. partida: Benjaminak 3. eta 4. postuak: Oihan Zapirain - Jokin Tolosa: 6-16
2. partida: Alebinak 3. eta 4. postua: Aitor Agirre - Oinatz Azkoitia 8 - 16
3. partida: Benjaminak 1. eta 2. postuak: Eneko Garmendia - Hodei Castro 16 -15
4. partida: Alebinak 1. eta 2. postuak: Aritz Intxaurrondo - Aritza Lizartza 4 - 16
Sailkapena: Benjaminak:
Eneko Garmendia
Hodei Castro
Jokin Tolosa
Oihan Zapirain
Sailkapena Alebinak:
Aritza Lizartza
Aritz Intxaurrondo
Oinatz Azkoitia
Aitor Agirre