Errepidea moztu dute Kale Berriaren zati batean, baina herrirako sarrera ez dago itxita. Txermin aldetik desbideratzen ari da udaltzaingoa trafikoa. Gauerdira arte euria egiten jarraituko duela diote iragarpenak, eta ordura arte zaintza lanetan ariko dira.
Tolosan, Araba etorbidetik San Esteban auzora joateko tunela itxita dago, ur maila altua baita. Hernialdeko bidegurutzeko tunela ere ixteko gomendioa eman du Tolosako udaltzaingoak. bestalde, Santa Maria kaleko garajeetako jabeei autoak bertatik ateratzeko gomendatu die.
Euriteak ere izan du eragina kirol jardueran. Gaur arratsaldean Tolosa C.F.ko gizonezkoen talde nagusiak Berazubin jokatu behar zuen partida bertan behera geratu da, futbol zelaia urez gainez baitzegoen, eta putzu handiak sortu dira hainbat lekutan.