Aste honetako Hamaiketakoan, arreta galera eta hiperaktibitateaz hitz egin dugu Adahagi elkarteko Gurutze Agirrerekin. Aurreko astean eskaini zuten hitzaldia Amasa-Villabonan udalaren gizarte zerbitzuek antolatuta. Fleming Bizirik astearen barruan Kolore Guztiak kulturarteko jaiaz hitz egin dugu, izen bereko elkarteko Maite Huertarekin. Bide batez, kulturarteko elkarte honen ekimenetako bat da Baraka antzerki taldea. Bertan aritzen da Idoia Sanchez tolosarra eta taldearen sorreraz hitz egin zigun, justu, ostiralean Villabonako Gurean eskaini behar zuten emanaldiaren harira. Zubimusu ikastolako Guraso Elkarteak antolatutako hitzaldi bat ere izan dugu hizpide. Naroa Martinezek eman zuen ostegunean eta heriotza haurrekin lantzeko egin duen lanaz hitz egin zuen. Hamaiketakoan berekin egoteko aukera izan genuen
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!