Laranja eta beltza atzean utzi eta aurten bizikleta gainean kolore berriekin ibiliko dira Oriako Txirrindulari Eskolako gazteak. Urdina eta beltza izango dira koloreak, babesle berriaren adierazle. Eskolako arduradunen esanetan "izugarria" da horrelako babesa jasotzea.
Aurkezpen ekitaldia eguerdian egin dute, eta txirrindulariekin batera euren lagun eta senideak zeuden Beotibarren.Aurpegi ezagunak ere gerturatu dira Tolosara, besteak beste, Arritxu Iribar kazetaria, eta Txomin Perurena eta Juanma Garate txirrindulari ohiak. Eskolatik pasatako Xabier San Sebastian ere bertan izan da. Berrikuntzen artean, aurtengo denboraldian Oriakok hiru txirrindulari afizionatu izango ditu.