Altzon hasiko dugu gaurko saioa. Izan ere, aurtengo ikasturtean euskara ikasteko taldea jarri da martxan herrian estreinakoz. Lurdes Murua zinegotziarekin, Kristina Bernal irakaslearekin eta Iñigo Bach ikaslearekin aritu gara solasean horren inguruan. Beste bi geldialdiak Alegian egingo ditugu. Alegiako Gaztetxea urteurreneko ekitaldia ospatzen ari da eta bertako kidea den Iñigo Ormazabalek eman digu horren berri. Alegiako beste gaiak mendiarekin zerikusia du. Alegiako Mendi Asanbladaren berri izango dugu bertako hiru kideren eskutik: Olatz Irazustabarrena, Eider Amundarain eta Ainara Tomasena.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?