Garai batean, San Martin egunez hiltzen zen txerria baserrietan. Txerrikiak ere ordutik aurrera prestatzen hasten ziren, lukainkak, odolosteak... Ordutik hona tradizio horri eusten diote oraindik Euskal Herriko hainbat txokotan. Alkizan, Amasan eta Amezketan, festa giroan ospatzen dute santuaren eguna.
Mezaren ondoren hamaiketakoak egin dituzte herri guztietan. Txerrikiak, noski, ez dira falta izan inon. Amezketan, trikitilariak eta bertsolariak ere izan dira. Amasan, berriz, herri kirol erakustaldia izan da. Aizkoran Zubizarreta eta Bihurri aritu dira, harria jasotzen Ostolaza, eta Iparraldeko Jokoak egiten Aretxabala aritu da.