Saioari hasiera emango diogu Alegian, bertan berriro ere martxan jarri baita argazkizaleen taldea. Ondoren, Saiaz Mankomunitatera joango gara. Bidania-Goiazko erabilera anitzeko eraikinean zaintzaileen estresari buruzko ikastaroa hasiko da gaur, eta Silvia Kamio psikologoak emango digu horren berri. Hurrengo geldialdia Bedaio izango da. Igandean azoka izan zuten eta Jon Azpirozek egingo digu ekimenaren balantzea. Bedaiotik Ikaztegietara joango gara, eta bertako alkatea den Bakarne Otegiri egindako elkarrizketa entzungo dugu. Bukatzeko, Baliarraingo egoera politikoari buruz ariko gara. Izan ere, ez zen udal hauteskunderik izan maiatzean, zerrendarik ez zelako aurkeztu, eta herritar talde batek horren inguruan abian jarri duen egitasmoaren berri emango dugu.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!