Saioari hasiera emango diogu Alegian. Aurrekontu parte hartzaileen bigarren egitasmoa abian jarri dute eta Unai Irola alkatearekin aritu gara solasean horren berri izateko. Jarraian Altzora joango gara. Bertan konposta herrian nola kudeatu daitekeen aztertzen ari dira. Josu Astrain zinegotziak emango digu horren berri. Ondoren, Alegiara itzuliko gara berriro. Berastegin bizi den Maria Jesus Urteagak hainbat koadro jarri ditu ikusgai Alegiako erretirodunen tabernan, eta elkarrizketa egin diogu horren inguruan. Eta amaitzeko, Abaltzisketara joango gara, bertako Jon Zubizarreta alkateari egindako elkarrizketa berreskuratuko dugu.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!