Arratia bailaran, Diman, jokatu zen 2015eko Euskal Herriko Raid Ligako azken jardunaldia. Lau etapako proba zen: herri orientazioa (bulderra eta herri kirolak barne), mendi bizikleta, trekking-a (tirolina eta boloak barne) eta amaitzeko mendi bizikletako bigarren proba bat.
Honela azaldu du Garmendiak bizitakoa: "Trekking-eko etapa, orientazioari dagokionez, oso teknikoa izan zen. Bertan erabaki zen sailkapena talde askorentzat. Izan ere, bat baino gehiago mendian galduta ibili ziren. Guri, aldiz, etapa hau borobil atera zitzaigun eta hor lortu genuen besteekiko abantaila handia, kategoria mistoan zein absolutuan irabaziz".
Horrenbestez, ligako jardunaldi guztiak irabazita, bost guztira, Maitane Garmendiaren eta Beñat Doyharzabalen Aralar kirolak Raid Taldea da txapelduna.
Hurrengo hitzordua, eta aurtengoz azkena, azaroaren 7 eta 8an izango dute, Kataluniako Raid Txapelketa. 24-30 ordu inguruko proba izango da, Sau bailaran.