Egungo Gipuzkoako txapelduna Eneko Garmendia da. Baliarraindarrik guztira Gipuzkoako sei txapela ditu. Horrez gain, Zazpi Herrialdetako hiru eta Euskal Herriko bi. Faborito paperarekin ariko bada ere, beste bi aurkariak oso gogorrak direla dio Garmendiak.
Txapelketan hiru kirolari ariko dira lehian. Imanol Otermin ibartarra joatekoa zen, baina azkenean ez da Donostian egongo.
Gipuzkoako Txapelketa irabazten duenak Euskal Herrikoan aritzeko eta hilaren 19an Elizondon jokatuko den Zazpi Herrialdeen Arteko Txapelketan egoteko saria jasoko du.
Bi ilaratan egongo diren 50 lokotx bildu beharko dituzte herri kirolariek. Batetik bestera metro bat eta 25 zentimetroko distantzian egongo dira lokotxak. Banaka bildu beharko dituzte, eta jaurtiketan kale eginez gero, bestearen bila joan aurretik sartu ez dutena sartu beharko dute saskian. Eneko Garmendiak 2012an jarri zuen marka, 6 minutu eta 3 segundoan.