Gaueko 22:00etan jokatuko da bigarren final erdia eta telebistak ez du zuzenean botako. Irabazle suertatzen den bikoteak finala jokatuko du ostiralean, Martinez de Irujo eta Barriolaren aurka.
Atzo Aspeko bikotea atera zen garaile eta Artola eta Albisuk huts dezente egin zituzten partidan zehar. 49 minutu iraun zituen partidan, hamabi pilota galdu zituzten. Hamaikana berdindu zuten partida eta 7-1 partzialaren ondotik berriz ere bi tantotara gerturatzea lortu zuten alegiarrak eta ataundarrak. Hortik ez ziren mugitu, ordea, eta final erdia 22 eta 17ko emaitzarekin bukatu zen Martinez de Irujo eta Barriolaren alde.