Bart 23:00ak aldera harria bota zuen Tolosaldeko herri gehienetan. Kazkabarra zaparradak minutu batzuk besterik ez zituen iraun, baino nahikoa autoen kapotetan, baratzetan eta etxeetako teilatu-hodietan kalte txikiak eragiteko. Udaltzaingoek eta Ertzaintzak esan dutenez, hala ere, zaparradak ez du kalte larririk eragin.
Minutu gutxitan azken urteetako kazkabarra zaparradarik bortitzena bota zuen atzo gauean Tolosaldean. Herri gehienetan bota zuen eta botatako harriak oso handiak izan ziren. Atzo gauean bertan asko izan ziren kalera atera eta euren auto, baratze eta bestelakoetan izandako eraginak ikustera atera zirenak.
Euskalmetek iragarri duenez, gaur tenperaturek behera egingo dute eta euria egingo badu ere, zaparrada arinak izango dira.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
