Iratzar, Intxurre eta Subegi 'herrikoak' konfiskatzeko erabakia berretsi du Auzitegi Gorenak

Ataria 2015eko ekainaren 18a
Deskargatu Info Ahotsak :
Español English Français Català Galego

Espainiako Auzitegi Nazionalak 35/02 sumarioaren inguruko epaia iazko uztailean eman zuen, eta gaur berretsi egin du Auzitegi Gorenak. Bertan 103 herriko konfiskatzeko agindu zuen, "ETAren egitura" finantzatzeagatik. Tartean daude Tolosako Intxurre, Ibarrako Subegi eta Amasa-Villabonako Iratzar.

Hala, Espainiako Estatuaren eskuetara pasatuko lirateke zigortutako herriko taberna guztiak, ateak itxiz. Guztira 103 dira. Hamabi urteko prozesuak eragindako kostuez gain, kalte ekonomiko handia da elkarteentzat.

Abokatuen esanetan, epaiari Auzitegi Konstituzionalean errekurtsoa jartzeko 30 eguneko epea dute herriko tabernek. Datorren astean bilkurak egingo dituzte gaia zertan den aztertzeko.

2013ko urrian abiatu zen epaiketa, eta iazko uztailean eman zuen Auzitegi Nazionalak 35/02 sumarioaren inguruko epaia. Albiste osoa Berria.eus-en

Sententzia osoa (PDF)

Mobilizazioak

  • Tolosan, 19:30ean Trianguloan
  • Amasa-Villabonan, 20:00etan Iratzarren
  • Ibarran, 20:00etan Subegin
Politika Amasa-Villabona Ibarra Tolosa

Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!


EGIN ATARIKIDE!