Lehenengo Belauntzan izan dira, Cadinox galdaragintza lantegian. Pieza handien eraikuntza mekanosoldatua jorratzen dute bertan, batez ere altzairu herdoilgaitzarekin. Baliabide kopuru handia bideratzen du I+Gra, eta duela gutxi AVS enpresarekin batera CTECHnano ikerketa enpresa sortu du.
Cadinoxeko arduradunek egun abian dituzten proiektuak azaldu, eta beren sektorean aurreikusten dituzten aurrerapenen berri eman dute.
Ondoren, Casa Eceizara joan dira, Lizartzara. Arduradunen eskutik gozogintza enpresako instalazioak ikusi eta produktu desberdinak egiteko erabiltzen dituzten produkzio prozesuak ezagutu dituzte.
Foru gobernuak "enpresen alde egiten duen apustua" helarazi die Garitanok bi enpresetako arduradunei. Horrez gain, ikerketa eta garapena, nahiz internazionalizazioa bultzatzeko abian dituzten programen berri eman die.
