Jaurlaritzak abisu horia ezarri du haizea dela eta. Zizurkilen esaterako, 89 kilometro orduko abiadura hartu du haizeak. Hego-mendebaldeko haize zakarrak ipar-mendebaldera egingo du eta indarra galduko du gauean. Bien bitartean, Tolosako babes zibileko zerbitzuak hainbat gomendio eman ditu.
Batetik ateak, leihoak eta eguzki-oihalak itxi edo finkatzeko eskatu du, bestetik, kalera erori daitezkeen loreontziak edo bestelako elementuak jasotzeko esan du, eta azkenik obra lanetako elementuak (aldamioak, garabiak...) finkatzeko ere esan du.
Era berean, kaletik joaterakoan zuhaitzetatik, paretetatik edota hesietatik urruntzeko eskatu du, eta eraikitzen ari diren eraikinetatik edo egoera txarrean daudenetatik pasatzerakoan kontuz ibiltzeko.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!