Presoen aldeko Gdeim Izik taldeak The Crans Foruma Dajlan egingo dutela salatu du

Saharar presoen Gdeim Izik plataformak The Crans analisi ekonomiko eta politikoaren foroa okupatutako Dajla herrian egin nahi dutela salatu du. Plataformak azpimarratu du Dajla herria ez dagoela Marokon baizik eta Mendebaldeko Saharan, «Marokok 1979. urtetik ilegalki okupatzen duen zonaldean», esan du. «Marokok Mendebaldeko Saharako biztanleen giza eskubideak urratzen ditu», gogoratu du. «Plataformatik ozen salatu nahi dugu foroa militarki okupatutako herrian egin nahi izatea, giza eskubideak egunero urratzen diren herrian eta Marokoko agintariek sahararrak erailtzen dituen herrian, hain zuzen», nabarmen du.