ESAITeko kideak Saint Laryko tontorretik

Tolosaldeko Ataria 2014ko uzt. 23a, 17:58

Aldarrikapen martxa egin dute gaur goizean Euskal Selekzioaren aldeko iritzi taldeko kideek Saint Lary Pla D`Adeten. Bertan bukatu da gaur Tourreko etapa. Euskal selekzioen ofizialtasuna aldarrikatu dute giro onean Mikel Uzkudun ESAITeko kideak eguerdian Ataria irratian.

Atzo iluntzean Euskal Gunean gora behera batzuk izan zituzten ESAITeko kideek Frantziako poliziarekin. Mikel Uzkudunek azaldu digunez ez zieten garagardoa saltzen utzi horretarako baimenik ez zutela argudiatuta. 14 urtetan ez dute horrelako arazorik izan.

Eragozpen txiki horrekin egin zuten atzo Saint Laryko tontorrean euskal festa eta gaurko bizikleta martxa bukatu ondoren Tourreko etapa ikusten gelditu dira zaleak. Euskal txirrindulariak animatu eta geure ikurrak haizatu dituzte bide bazterreik.

ESAITeko kideek aipatu dutenez, nabari da aurten Euskaltelen hutsunea. Aurreko urteetan baino Euskal Herriko zale gutxiago baitako Pirinioetan.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!