Gasteizko Mendizorrotza igerilekuan egin dituzte, gaur, Euskal Herriko igeriketa txapelketa absolutuak nahiz gazteen udako txapelketa. Tolosaldea IKT taldeko igerilariek ezin hobeto biribildu dute jardunaldia, taldekako nahiz banakako dominekin.
Horrela, Marta Alonso igerilari tolosarrak hiru domina etxeratuko ditu gaur. Batetik, Euskal Herriko txapeldun suertatu da 50 metro libreetako frogan nahiz tximeleta estiloko 100 metroko frogan. Hori gutxi ez, eta brontzea ere lortu du bizkar estiloko 50 metroetan.
Taldekako lanetan ere oso txukun aritu dira eskualdeko igerialriak eta, horren erakusle da, estilo librean egindako 4x50metro errelebo absolutuetan, mutilek eskuratutako urrezko domina.