Milaka herritarrek egin zuten bat atzo, Gure Esku Dago ekimenarekin, eta Iruñea eta Durango batu zituzten erabakitzeko eskubidea aldarrikatzeko. Antolatzaileen esanetan 150.000 esku baino gehiagok egin zuten bat deialdiarekin. "Durango eta Iruñea artean elkarri eskua eman diogun pertsona desberdin guztiek gauza bera sentitu dugu. Gure esku dagoela etorkizuna", esan zuten ekimeneko arduradunek. "Garai berri bat hasi da gure herrian. Horri jarraipena ematea, gure esku dago!", gaineratu zuten. Eskualdeko herritarrek Beasain eta Lazkao arteko kilometroak bete zituzten. 4.000 lagun baino gehiago gerturatu ziren Tolosaldetik eta jendez lepo egon da ibilbidea zati horretan.
Tolosaldeko Gure Esku Dago ekimeneko kideak pozik daude atzokoarekin. Koldo Rabadanekin izan gara gaur goizean Ataria irratian.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!