Garbiketa sektoreko langileak patronalarekin bilduko dira hilaren 27an

Ataria 2014ko mai. 19a, 14:18
Deskargatu Info Ahotsak :

Urtarrilean egin zituzten lehenengo protesta ekimenak eta aurreko astean bost eguneko greba egin zuten garbiketa sektoreko langileek. Jarraipen zabala izan zuen grebak, Haizea Mendia LABeko kideak adierazi digunez. LABek eta ELAk %70 ordezkaritza dute sektorean. Gipuzkoako hitzarmena blokeatua egon da azkeneko urteotan eta korapiloa askatzea lortu dute langileek patronalarekin bilera izango baitute maiatzaren 27an.

2009tik lan hitzarmena berritu gabe dute langileek eta euren eskubideetan atzerakada nabarmena jasan dute. Garbiteka sektorearentzako herrialdeko hitzarmen duina eskatuko dute hilaren 27an izango duten bileran.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!