Meza, mahai ingurua, erromeria edo herri kirolak, eskualdeko herrietan modu horretan ospatu zuten atzo, San Isidro Eguna. Baserritarrak euren lanak alde batera utzi eta kalera irten ziren. Zer dastatua eta ikusia izan zuten. Asteasun adibidez, zaldiaren eta behorraren arteko dema antolatu zuten, eta azken honek irabazi zuen, 44 plaza egin ondoren. Zaldia 37 plazatan gelditu zen. Zizurkilen, bestalde, aizkolariak aritu ziren lanean. Alde batetik, Saralegik eta Otaegik osatu zuten bikotea, eta bestetik, Otañok eta Irazuk. Azken hauek amaitu zituzten azkarren egin beharreko lanak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!