Gipuzkoako Eskola Txikien elkarteak azaldu duenez, topaketen helburuak bi dira; ikasleen arteko harremanak bultzatzea eta kirol praktika sustatzea. Eta bertan, 3., 4., 5. eta 6. mailako ikasleek hartu dute parte.
Ikasleak bi mailatan antolatu dituzte, batetik, 3. eta 4. mailakoak aritu dira, eta bestetik 5. eta 6. mailakoak. 6 kidetako taldeak egin dituzte eta talde hauetan eskola desberdinetako gazteak nahastu dituzte.
Tolosako kiroldegian kanpoko futbol zelai handian eta txikian aritu dira. Handian lokotxak, idazketa kooperatiboa, brileta, errelebeoak, azeriak olioak eta sugeak, eta baloi eserian aritu dira. Eta txikian zakuak, sokasaltoa, txingak, sokatira, zapitxoa eta buztanak kentzean.
Guztira 15 eskola txikik hartu dute parte, eta horietako 11 eskualdekoak dira; Abaltzisketako Txalburu, Adunakoa, Albizturgoa, Alkizakoa, Altzoko Imaz Bertsolaria, Berastegiko Muñagorri, Berrobiko San Andres, Bidegoiango Txinkorta, Ikaztegietakoa, Lizartzako Juan XIII eta Zizurkilgo San Millan.