Ostiral Mehez ospatzen dituzte Inauteriak Zizurkilgo eta Asteasuko haurrek. Zizurkilen, Pedro Mari Otaño ikastetxean elkartu dira arratsaldez herriko haurrak, gela bakoitza bere mozorroarekin. Asteasun, berriz, kiroldegian egin dute festa, eta atzo Villabonako Fleming ikastetxekoek egin bezala, San Ferminak irudikatu dituzte. Villabonan bezala, atzo Ostegun Gizenean egin ziren jaialdiak Tolosako ikastetxeetan: Laskorain ikastolako haurrek Tolosako txarangak irudikatu zituzten, Samaniegoko txikienek Ostegun Gizeneko doinuak izan zituzten entzungai eta dantzagai, eta Hirukide eskolan ikasleekin eginiko bene-benetako txarangaren doinura egin zuten dantza. Ibarrako Uzturpe ikastolan ere atzo ospatu zituzten Inauteriak.