Adin guztietako 100 korrikalari inguruk hartu dute parte II. Euskararen aldeko herri lasterketan, Zizurkil eta Villabona artean. Jai giroan ospatu da aldarrikapen lasterketa, eta deialdia argia izan da: "Euskaraz bizi nahi dut!". Lehenik eta behin, txikienak aritu dira korrika, eurei egokitutako itzulian. Ondoren, helduen txanda izan da eta hauek Villabona eta Zizurkil arteko zirkuituan hiru itzuli eman dituzte. Guztiak, Beñat Bitoria billabonatarraren atzetik sartu dira helmugara, nahiz eta hiru itzuliak bitan edo bakarrean bilakatu dituenik izan den. Helburua, ordea, euskararen aldeko jai honetan parte hartzea zen, korrika eginez, edo ikusle bezala lasterkariak animatuz.
Zizurkil eta Villabona artean II. Euskararen aldeko herri lasterketa egin dute, 'Euskaraz bizi nahi dut' lelopean. Adin guztietako 100 lagun inguruk hartu dute parte ekimenean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!