Datorren igandean, hilaren 8an jokatuko dira Joxean Tolosa pilota txapelketako finalak Amezketan, arratsaldeko bostetan.
Kadeteen mailako lehen kanporaketan, Arandiak erraz irabazi zion Aizpururi, 18-7, azken honen urduritasuna baliatuta. Beste finalerdian, Bakaikoa 18-4 gailendu zitzaion Martijari.
Gazteen mailan, partida ederra eskaini zuten Erasun eta Espinalek. Zizurkildarrarentzat izan zen garaipena, 18-12, nahiz eta 2-8 galtzen hasi. Beste kanporaketan, Elizaldek 18-11 irabazi zion Etxebarriari. Nagusietan, berriz, Artola alegiarrak erakustaldia eman zuen Arratibelen aurka (18-4). Bigarren partidan, Santxok ezustea eman zuen GRAVN txapelketako irabazlea 5ean utzi ondoren.