Jokin Aranalde iheslariaren kontrako euroagindu eskaeraren inguruko erabakia atzo eman behar zuen jakitera Paueko Dei Auzitegiko Instrukzio Ganberak, baina irailaren 10era atzeratu duela jakinarazi dute.
Aranalde ekainaren 24an atxilotu zuen poliziak Heletan, Nafarroa Beherean. Uztailaren 9an igaro zen epailearen aurretik, eta ibartarraren abokatuak defentsa prestatzeko denbora gehiago eskatu arren, epaileak uko egin zion eskaerari eta prozedurak aurrera jarraitu zuen.