Urteroko moduan, uztaileko lehen egunekin bat eginda, aurten ere antolatu dute Amarozko Antzerki Astea. Auzoko jaien bezperak girotzeko bide honek hamabosgarrena beteko du aurten, eta haur nahiz helduei begirako antzezlan eta bakarrizketa saioak prestatu dituzte antolatzaileek.
Uztailaren lehenarekin hasiko da egitaraua, iluntzean, eta Amarozko auzo lokaletan eskainiko du, Pailaztana klown taldeak, Klowntainer izeneko saioa. .
Aste osoan zeharreko emanaldietako batzuk lokaletan izango dira, baina beste batzuk, aldiz, besteak beste haur eta gaztetxoei zuzendutakoak, kale antzerki formatuan eskainiko dituzte.
Horrela, beraz, Klowntainer, Historias de Pitu-Titu, Doble Cita, Maitetasuna, Bazen behin lur izeneko planeta bat, Yo-yo bakarsaioa, eta May Gorostiaga...presente!!! areto barruan eskainiko dituzte, eta gainerako lanak kalean ikusgai izango dira.
Amarozko XV. Antzerki Astea, egitaraua
Uztailak 1, astelehena
20:00. Pailaztana Klown Taldea, Klowntainer, Amarozko auzo lokaletan.
Uztailak 2, asteartea
18:00. Ipotx Zirkolosa, Txapi-txapo, kale ikuskizuna.
22:00. Carlos Perez Aradrosen, Historias de Pitu-Titu emanaldia, Amarozko auzo lokaletan.
Uztailak 3, asteazkena
18:00. Decopivolta, Doble cita, Amarozko auzo lokaletan.
22:00. Tic-tac, Maitetasuna eta Bazen behin lur izeneko planeta bat. Gero, Juan Mari Otazok Yo-yo bakarsaioa eskainiko du. Guztia Amarozko auzo lokaletan izango da.
Uztailak 4, osteguna
18:00. Bazen Behin Clown, Maria Macozzi, kale ikuskizuna.
22:00. Intujai Teatro, May Gorostiaga... presente!!!, Amarozko auzo lokaletan.
Uztailak 5, ostirala
18:30. Cia Circotito, La risa es bella, kale ikuskizuna.
Uztailak 6, larunbata
17:00. Xabi Larrea, Mr. Frack, kale ikuskizuna.