Euskal Herriko Haur-Gaztetxoen Kantu Txapelketaren finala jokatu zen herenegun Burlatan, gainezka zegoen areto batean. Zazpi lurraldetako ordezkariak egon ziren bertan. Nora Urdanpilleta billabonatarrak aipamen berezia jaso zuen. Alde batetik, 6-11 urte bitartekoen artean, bigarren gelditu zen bakarlari moduan. Bestetik, epaimahaiak Sorkuntza lan onenaren izendapena eman zion, arlo horretan bere dohaina saritu nahian.