Andoni Tolosa Morau bakarlari hernaniarrak, euskal kantagintzari errepasoa emango dion kontzertua eskainiko du gaur, Anoetako Itzuli tabernan, 23:00etan. Kontzertua, doakoa izango da.
1961etik 1990. urtera bitarteko hainbat kantu, bideo, argazki eta bestelako deskubritu ahal izango dira emanaldian zehar. Aro horretan, euskal kantagintzaren ezaugarri nagusiak ezagutzera emango ditu Tolosak, orduz geroztik, euskal musikan txertatu direnak. «Gaur egungo musikaren bilakaera eta haren nortasuna ulertzeko klabeak eskaintzen ditu kontzertuak» dio musikariak.