Herrira mugimenduak deituta, hileroko azken ostiraletan egin moduan, Tolosaldeko eta Leitzaldeko herri askotan elkarretaratzeak egingo dituzte bihar. Euskal presoen aldeko elkarretaratzeetan presoak Euskal Herriratzea eskatzeaz gain, kasu honetan, presoei ezarritako salbuespenezko neurrien aurka egingo dute.
Bada, hilabete honetako azken ostirala jai eguna egokitu denez, hainbat herritan aldatu egin dute elkarretaratzeetarako eguna. Hala, Amezketan, Berrobin, Bidegoianen eta Villabonan pasa den ostiralean egin zituzten elkarretaratzeak. Anoetan, berriz, atzo egin zuten.
Gainerako herrietan bihar egingo dute ohiko ordu eta lekuetan: Adunan, 20:30ean; Alegian, 19:30ean; Altzon, 20:00etan; Asteasun, 19:00etan; Berastegin, 19:30ean; Ibarran, 19:30ean; Iruran, 19:30ean; Gaztelun, 19:30ean; Ikaztegietan, 20:30ean; Leitzan, 20:00etan; Leaburun, 20:15ean; Lizartzan, 20:00etan; Tolosan, 19:30ean; eta Zizurkilen, 20:00etan. Herritar oro gonbidatu dute elkarretaratzeetan parte hartzera.