Josetxo Urrutia leitzarra laugarren izan da X. Etxauriko Harria Jasoaldia txapelketan. Etxaurin (Nafarroa Garaia) jokatu zen herenegun txapelketa, eta Aimar Irigoien errezildarrak jantzi zuen txapela. Marka guztiak hobetuz, gainera, 17 jasoaldi egin baitzizkion heldulekurik gabeko 136,5 kiloko harri traketsari, 5 minutuko txanda bakarrean. Txapelketako markarik onena Izeta II.ak zuen, 15 jasoaldirekin. Bada, Irigoienen atzetik Izeta II.a geratu zen (14 jasoaldi), Ostolaza hirugarren (11), Urrutia laugarren (9), eta Unai Bertiz bosgarren (6).