Tolosaldeko Eskola Txikien XI. Kirol Topaketak Tolosako Usabal kiroldegian ospatuko dira martxoaren 15ean. Besteak beste, Abaltzisketa, Aduna, Albiztur, Alkiza, Altzo, Berastegi, Berrobi, Bidegoian, Ikaztegieta, Lizartza eta Zizurkilgo haurrak bertan elkartuko dira, jolas giroan kirola egiteko. Hirugarren mailatik seigarrenera bitarteko ikasleen arteko harremanak bultzatu nahi dira ekimen honekin.
09:45ean harrera ekitaldia egingo dute, bost minutu beranduago jolasekin hasteko. 10:45ean hamaiketakoaren txanda izango da, eta indarrak berritu ondoren, 11:10ean, berriro jolasei ekingo diete. Kirol topaketak 12:05ean amaituko direla azaldu dute antolatzaileek, hau da, Gipuzkoako Eskola Txikietako arduradunek. 12:30ean, itzulerako autobusa abian jarriko da eta ikasle guztiak euren eskoletara itzuliko dira goiz eder bat lagun berriekin igaro ostean.