Erleta eskolako Denok Bat guraso elkarteak eta irakasle asanbladak deituta, elkarretaratzea egingo dute gaur, 16:30ean eskolaren kanpoaldean, hezkuntza sailean eman diren murrizketen aurka egiteko.
Ostegun beltzak lelopean, beltzez jantzita irtengo dira kalera, beharrei erantzuten dien hezkuntza aldarrikatuz. Murrizketen eraginez, gela bakoitzean ikasle gehiago sartu dituztela, ordezpaneka egitean kontratu baldintzak kaxkartu dituztela, behar bereziak dituzten haurrak laguntzarik gabe geratu direla edota funtzionamendurako diru sarrera gutxiago dutela salatu dute.