Barriola herrikidearekin batera aritu da lehen mailan jokatzen duen lehen partidan; 22-19 galdu zuten
Leitza Ostirala egun handia izan zen Leitzako Jon Jaunarena pilotariarentzat. Bigarren mailako txapelketa guztiak irabazita lehen mailan jokatzeko aukera izan zuen bikotea Barriola herrikidearekin osatuz, eta galdu arren, ondo aritu zen. Berasaluze-Albisuren aurka aritu ziren leitzarrak eta 22-19 galdu zuten. Hendaian izan zen partida eta Jaunarenak nahiko estreinaldi txukuna egin zuen, nahiz eta egindako huts egiteetako batzuk lehen mailako bere estraineko partida pixka bat ilundu. Partidan Berasaluze eta Jaunarenaren arteko lehia izan zen nagusi, eta Asegarceko pilotariaren zehaztasuna erabakiorra izan zen. Jaunarenak datorren asteburuan ere berriz ere Barriolarekin jokatzeko aukera izango du Irujo-Zabaletaren kontrako partidan.