Lara Arruabarrena tenista tolosarra munduko 100 tenista onenen artean sailkatu da, lehen aldiz. Hain zuzen ere, 91. postuan dago WTA zerrendan, 745 punturekin. US Openeko estreinakoa eta lehen kanporaketa irabazi ondoren sartu da tolosarra Top 100 zerrendan. Bestalde, Uzbekistanen garaipen berri bat eskuratu zuen Lara Arruabarrenak atzo. Jana Cepelova eslovakiarra garaitu zuen bi setetan (6-1 eta 6-2) Tashkent txapelketako lehen proban. Txapelketa hori WTA zirkuituaren baitakoa da.