Koreako Telebista publikoa Tolosara iritsi da. Euskal Herriari buruzko bidaien programa bat grabatzen ari dira, eta gaur goizean, Tolosako azokan aritu dira grabaketa lanak egiten.
Lehenik eta behin, goizean goiz elkartu dira udal ordezkariak, Koreatik etorri direnekin. Jarraian, Gorrotxategin, gosari berezia egin dute Iñaki Gorrotxategiren laguntzarekin. Ondoren, Tolosako azoka ezagutu nahi izan dute eta Zerkausian murgildu dira. Bertan erosle eta saltzaileekin hitz egiteko aukera izan dute korearrek.
Solana tabernan sukaldera sartu dira, eta Berdura eta Euskal Herria plazetan erosketak egin dituzte. Bizi duten esperientzia guztia bideo kamerarekin grabatu dute.
Nikolas erretegian bazkaldu ostean, arratsaldean, Santa Maria eliza eta Tolosako Alde Zaharra bisitatuko dituzte, eta baita Topic ere.
Koreako telebistak abuztuan eskainiko du, gaur Tolosan grabatutakoa.